निवर्तमान संचारमंत्री तथा सरकारको प्रवक्ता गोकुल बास्कोटाकाद्वारा पत्रकार सम्मेलन तथा अन्य समयमा भनिएका टुक्का लाईनहरुको हामीले विभिन्न पत्रपत्रिका मार्फत संकलन गरी तल प्रस्तुत गरेका छौ । ज्ञात रहोस, यी भनाइहरु मार्फत हाम्रो उद्देश कसैलाई होच्याउनु वा माथि उठाउनु होइन, उनको चर्चा परिचर्चाका बीच प्रस्तुत गरेका हौ, यसलाई राजनीति परिधिभित्र बाट नहेरिदिनुहुन सफलता पोष्ट अनुरोध गर्दछ ।
१. पत्रकार शिकारीजस्ता भए, जति ठोके पनि फरक पर्दैन ।
२. म चुप्पी बोकेर पत्रकारिता सिध्याउन हिँडेको मान्छे होइन ।
३. म घमण्डी हैन, हक्की मान्छे हुँ ।
४. केही तत्वहरु आलोचनामै सुत्छन्, आलोचनामै ब्युँझन्छन् ।
५. ओली सरकारले अब धेरै भाषण नगर्ने, काम गर्ने ।
६. प्रधानमन्त्रीलाई विश्वासको मत लिन महाभारत छैन, यसो हात उठाए भइहाल्यो ।
७. कसैले पनि हातमाथि पर्दा तरवार, तल पर्दा म्याउँ गर्ने कार्य नगरोस ।
८. चिहानमा आराधाना गर्दैमा राजतन्त्र फर्किदैन ।
९. धन्न युट्युबर सिंहरदरबार छिर्न पाएनन्, नत्र भएको घटना भन्दा पनि बढी अर्कै घटना बन्ने थियो ।
१०. हामीले भलै जे गरौ तर हामीलाई नाङ्गै हिड्ने स्वतन्त्रता छैन ।
११. मलाई भन्न सक्नुहुन्छ; राति सुतेको बेला पनि हैरानी गर्नेलाई दनक नदिएर के दिने ?
१२. हामी यस्तो समयमा छौ कि अब अपराधी पानीमुनि गएपनि उम्किन पाउदैन ।
१३. मेरो स्वाभावले चर्को नबोलौं भन्छु, तर नबोली हुँदै हुन्न !
१४. निर्मलाका हत्यारालाई सरकारले छाड्दैन् ।
१५. ‘नाङ्लो ठटाए’ पनि यो सरकार पाँच वर्ष निरन्तर चल्छ ।
१६. अहिले त मलाई बोल्न पनि मन लाग्दैन ।
१७. यदि हामीले अहिले वातावरण जोगाएनौ भने मान्छे डाइनोसर बन्ने खतरा हुन्छ ।
१८. मेरो प्रश्न सबैलाई भन्नुस; दुई तिहाईको सरकार ढाल्ने कस्को हिम्मत छ ?
१९. परालको त्यान्त्रो समातेर पार लगाउन सक्छ कि भन्ने दाउ कहिल्यै सफल हुदैन ।
२०. ठूलो माछाले सधै सानो माछालाई खान्छ ।
२१. वर्तमान सरकारले कुठाराघात र वेइमानी कहिले गर्दैन ।
माथीको सामग्री कस्तो लाग्यो ? आफ्नो प्रतिक्रिया लेख्नुहोला !