विचार

केहि संग्रहित प्रेरक विचारहरु [भाग १]

१. याद राख्नुस दुनियाँमा तपाईलाई जोगाउने मान्छे तपाईं मात्रै हो संसारमा । नत्र त सबै मान्छेले तपाईलाई चिकेन फ्राई गरेर खाने हो , तपाईलाई बेच्ने हो मान्छेले, तपाईलाई लुट्ने हो मान्छेले, तपाईलाई बर्बाद पारेर धनी हुने हो उनिहरु, दुनियाँका सारा मान्छे तपाइको उपयोगिता गर्छन, तपाईलाई प्रयोग गर्ने हो सबैले । यो दुनियाँमा तपाईको कोहि पनि साथी छैन, यो सबैले तपाइले काम गरुन्जेल सम्म मात्र काम गरिदिने हो । त्यसकारण यो दुनियाँका सारा मान्छे जो सबभन्दा नजिक छन , त्यो पनि तपाईले केही दिएसम्म नै उनिहरुले पनि केही दिने हो तपाईलाई , तपाईं भ्रम मा नपर्नुस , यो व्यापार हो , तपाईलाई सार्है प्रेम गर्ने मान्छे तपाइको पसलको अगाडि पसल थापेर बसेको हुन्छ । सामान रहुन्जेल मात्र आउने हो तपाइकोमा । यो ठूलो कुरा फेरि होइन किनकी हामी पनि दुनियाँलाई त्यही व्यवहार गर्छौ । दुनियाँ मात्र बदमास भनेको होइन ।

२. सामाजिक जसलाई भन्छौ त्यो जति असामाजिक कुरा अरु केही पनि छैन । किनकी बाहिर बाट हेर्दा समाज चिटिक्क परेको छ , सुन्दर छ तर भित्र केही छैन खोक्रो केही काम नलाग्ने । त्यसकारण समाजलाई बचाउन हामी जन्मेका होइनौ । समाजलाई बचाउन तिर लाग्यो भने मान्छे समाप्त हुन्छ । समस्या यहि हो कि मान्छेहरु समाजलाई बचाउन तिर लागेका छन , समाजले के भन्लान ? सामाजिक संरचना भत्किएला , समाजमा उश्रृङ्खल्ता आउला , यी जम्मै कुरा रोकावटको लागि मान्छेले बोलिरहन्छन । समाज दोस्रो कुरा हो , पहिला तिमिले आफुलाई जोगाउ, आफू प्रेमपुर्ण हौ, आफू ज्ञानमय हौ, आफू शान्तिपुर्ण हौ, तिम्रो सेरोफेरोमा एउटा सुन्दर समाजको निर्माण आफै हुन्छ, तर तिमी समाजलाई बचाउन तिर लाग्यौ भने बाहिर बाट सुन्दर भित्र खोक्रो समाज बन्ला जो बनिरहेको छ । बचाएर पनि बचाउदै आएकै हो मान्छे बचेन, मानवता बचेन ।

३. राम्रो कुरा जहिल्यै पनि राम्रै कुराको विरुद्धमा हुन्छ, असल कुरा जहिल्यै पनि असल कुरा कै विरोधमा हुन्छ । मानौ कि तपाईं महिनाको पन्ध्र हजार कमाउनुहुन्छ या बिस हजार कमाउनुहुन्छ तर तपाईं त्यहि पन्ध्रै हजारमा अल्झिनु भयो या बिसै हजारमा अल्झिनु भयो भने तपाईं लाखौको कमाउनै सक्नुहुन्न, करौडाेको कमाउनै सक्नुहुन्न, तर यो कुरा Good पनि हो किनकी बेरोजगारी भएर बस्नुभन्दा त पन्ध्र हजार कमाउनु ठिक हो , बिस हजार कमाउनु ठिक हो, तर जिवनको मकशद यो होइन, जिवनको लक्ष्य यो होइन । जिन्दगिमा Good कुरा होइन Best कुरा खोज्नुस । मान्छेहरु Good मा यसरी अल्झिदिन्छन कि Best कुरा छुटेको उसलाई थाहै हुदैन । त्यसैले भोल्टेयरले कतै भनेका पनि छन : “Good is always the enemy of the Best.”

प्रतिक्रिया

माथीको सामग्री कस्तो लाग्यो ? आफ्नो प्रतिक्रिया लेख्नुहोला !

error: Alert: This content is copyright protected. DO NOT COPY!!!