बाह्र यथार्थ लाइनहरु [चौथों खण्ड]

१. जसको मनशाय राम्रो हुन्छ उसले बाचा गर्छ र जसको चरित्र राम्रो हुन्छ उसले बाचा पुरा गर्छ।

२. कदर तपाईको व्यवहारको कारण हुने हो, कद ठुलो भएर कदर हुने भए त कहिलेकाहिँ छायापनि मानिस भन्दा ठुलो भैदिन्छ।

३. अरुले बोल्ने शब्दले मात्र उसको पहिचान नगर्नुस् किनकी सबैजनाले त्यसरी आफुलाई बोलेर ब्यक्त गर्न सक्दैनन् जति उनीहरु बुझ्न र महसुस गर्न सक्छन्।

४. समय न त ढिलो गर्छ न त हतार, त्यसैले सायद समय नै यो संसारको सबै भन्दा शक्तिशाली चिज हो।

५. बदाम खादा मात्र पनि त्यति बुद्धी आउदैन होला जति धोका खादा आउछ। जीवनमा अनुभवले नै बिद्वान बनाउन सक्छ।

६. जीवन सहज पक्कै छैन, यसलाई सहज बनाउन सक्नुपर्छ, केहि कुरालाई ध्यान दिएर केहि कुरालाई बिल्कुलै ध्यान नदिएर।

७. अरुलाई सहयोग गर्दा यदि आफ्नो मन खुशी हुन्छ भने त्यो मात्र सेवा हो, नत्र बाकि सब देखाउनको लागि मात्र।

८. हामीसबैको दुई जीवनकाल हुन्छ, दोश्रो तब मात्र शुरु हुन्छ जब तपाईले यो बुझ्नुहुन्छ कि तपाईसँग यहि एक जीवन हो केहि गर्नलाई।

९. कुनै पनि पुग्नुपर्ने ठाउँमा तपाई कसैलाई पर्खाएर आफु ढिला पुग्नुको मतलब तपाईमा घमण्ड छ कि उता पर्खिने मान्छेको समय भन्दा तपाईको समय महत्वपूर्ण छ।

१०. जाडोमा प्रिय लाग्ने सुर्यसँग पनि गर्मिमा मानिसहरु टाढा रहने गर्दछन, तपाईको आवश्यकता जहिले र जहाँ हुन्छ, त्यहाँ मात्र तपाई प्रिय हुनुहुन्छ।

११. फोहोर त मान्छेको हेराइको कुरा हो, किनकि केहि फोहोर टिप्न आउने मान्छेले त्यहि फोहोरमा आफ्नो दुइ छाक देख्न सक्छन।

१२. थोरै ज्ञानले तपाईलाई मुर्खहरुको भीडमा मात्र विद्वान बनाएको हुन्छ। थोरै ज्ञानमा घमण्ड नगर्नु होला।